Cuireadh chun Tairisceana
Chun
Plean Straitéiseach 2026-2031 a Ullmhú
| Nós Imeachta | OSCAILTE
|
| Dáta Eisiúna | 28/11/2025
|
| Dáta Deiridh le haghaidh Ceisteanna | 09/01/2025
|
| Seoladh Ríomhphoist do Cheisteanna | ray@cnng.ie
|
| Dáta/Am Deiridh a nglacfar le Tairiscintí | 16/01/2025 ag 5i.n
|
| Treoracha chun Tairiscintí a chur ar ais: | Le seoladh chuig: ray@cnng.ie |
| Luach an chonartha | €10,000 go €15,000 |
Cuid 1 – Réamhrá
Cúlra Chomhar Naíonraí na Gaeltachta
Is comhlacht faoi theorainn ráthaíochta é Comhar Naíonraí na Gaeltachta (CNNG) a bhfuil mar chuspóir aige seirbhís luathbhlianta den scoth, trí Ghaeilge, a sholáthar sna ceantair Ghaeltachta. Cuireann CNNG an t-infreastruchtúr riachtanach ar fáil do na seirbhísí luathbhlianta chomh maith le seirbhísí riaracháin, tacaíochta agus oiliúna a sholáthar do na seirbhísí sin.
Tá fás as cuimse tagtha ar líon na seirbhísí luathbhlianta atá comhcheangailte le CNNG le tamall de bhlianta anuas mar aon leis an réimse seirbhísí agus an líon páistí a bhfreastalaítear orthu. Ag an tráth seo tá os cionn 130 seirbhís luathbhlianta faoi stiúir Chomhar Naíonraí na Gaeltachta agus tá oifigí ag an gcomhlacht i ngach mórcheantar Gaeltachta.
An Plean Straitéiseach
Tá sé beartaithe ag Bord Stiúrtha Chomhar Naíonraí na Gaeltachta Plean Straitéiseach a ullmhú don tréimhse 2026 – 2031. Tá plean straitéiseach 2023 – 2026 á chur i bhfeidhm ag an eagraíocht agus tá muid ag iarraidh anois tabhairt faoi agus dul chun cinn agus plean nua a réiteach idir 2026 agus 2031. Tuigeann Bord Stiúrtha CNNG go bhfuil sé ríthábhachtach go mbeadh plean den chineál seo ag an eagraíocht a chuideoidh le fís, misean, luachanna agus tosaíochtaí na heagraíochta a shonrú do na blianta amach romhainn.
Teastaíonn ó CNNG comhlacht seachtrach a earcú chun cuidiú leis an mBord Stiúrtha an plean straitéiseach a chur i dtoll a chéile. Mar is léir óna riachtanais agus ón tsonraíocht atá luaite i gCuid 2 den doiciméad seo tá béim faoi leith á leagan ar chomhairliúchán le páirtithe leasmhara inmheánacha agus seachtracha. Táthar ag súil go mbeidh ar chumas an chomhlachta rathúil dul i mbun oibre i mí Eanáir 2026 agus go mbeidh an Plean aontaithe faoi mhí na Bealtaine 2026.
Feidhmíonn CNNG trí mheán na Gaeilge agus tá sé riachtanach go mbeidh ar chumas an chomhlachta rathúil a gcuid seirbhísí a chur ar fáil sa teanga sin.
Cuid 2 – Riachtanais agus Sonraíochtaí
Teastaíonn ó Bhord Stiúrtha Chomhar Naíonraí na Gaeltachta comhlacht seachtrach a bhfuil na hinniúlachtaí cuí acu a earcú chun cuidiú linn an plean straitéiseach nua a ullmhú do 2026 – 2031. Samhlaítear go mbeidh ar a laghad na céimeanna seo a leanas le glacadh:
- Anailís ar fheidhmiú na heagraíochta
Cuireann Comhar Naíonraí na Gaeltachta seirbhís luachmhar ar fáil chun tacú le hearnáil na luathbhlianta sna ceantair Ghaeltachta. Sa chéim seo den phróiseas beidh gá le hanailís chriticiúil a dhéanamh ar fheidhmiú reatha na heagraíochta. Beidh gá le critéir mheasúnaithe a shocrú agus comhairle leathan a dhéanamh le páirtithe leasmhara éagsúla ag baint leas as modhanna éagsúla comhairliúcháin. Meastar go mbeidh gá tabhairt faoi chomhairle leis na páirtithe seo a leanas:
- Foireann CNNG
- Ionaid luathbhlianta atá comhcheangailte le CNNG
- An Bord Stiúrtha
- An Bhainistíocht
- Tuismitheoirí na leanaí a bhaineann úsáid as seirbhísí CNNG
Sa chuid seo den phróiseas beifear ag súil go bhfaighfear léargas maith i ngeall leis an tslí a fhreastalaíonn CNNG ar an earnáil luathbhlianta sa Ghaeltacht. Tá sé mar sprioc ceangal níos láidre a dhéanamh leis na coistí pobail áitiúla agus tuismitheoirí a bheidh ag baint úsáid as na seirbhísí luathbhlianta agus aois scoile atá á soláthar ag Comhar Naíonraí na Gaeltachta.
Beidh gá le scrúdú a dhéanamh ar oiriúnacht an struchtúir foirne atá in áit agus go n-aithneofar deiseanna forbartha, fáis agus feabhsúcháin.
- Anailís ar an earnáil luathbhlianta
Le linn na céime seo tabharfar faoi anailís chuimsitheach ar an earnáil luathbhlianta ar mhaithe le heolas ábhartha a fháil ar straitéisí, ar phleananna agus ar pholasaithe náisiúnta chun léargas a fháil ar threochtaí na hearnála i gcoitinne. San áireamh anseo, caithfear measúnú agus anailís a dhéanamh ar na dúshláin earcaíochta san earnáil agus pleananna a leagan síos chun dul i ngleic leis na dúshláin seo. Áireofar freisin anailís ar straitéisí, pleananna agus polasaithe atá sainiúil don Ghaeltacht ach a bhfuil baint dhíreach nó indíreach acu leis an earnáil luathbhlianta. Cuirtear san áireamh anseo an Straitéis 20 Bliain don Ghaeilge, 2010-2030, an Polasaí Oideachais Gaeltachta agus an Próiseas Pleanála Teanga go háirithe. Cuideoidh an anailís seo le sonrú a dhéanamh ar na deiseanna agus ar na dúshláin atá roimh an eagraíocht agus an earnáil.
- Comhairliúcháin le páirtithe leasmhara éagsúla
Déanfar comhairliúchán leathan leis an mBord, an fhoireann, na hionaid luathbhlianta agus le tuismitheoirí agus le páirtithe leasmhara eile mar chuid d’ullmhú phlean straitéiseach na heagraíochta. Tá tábhacht faoi leith leis an obair seo ar mhaithe le léargas iomlán a fháil ar na riachtanais éagsúla. Déanfar é seo trí mheascán suirbhéanna, aighneachtaí agus cruinnithe.
Le linn na céime seo den phróiseas rachfar i gcomhairle le réimse leathan páirtithe leasmhara eile le n-áirítear, ach nach bhfuil teoranta chuig:
- An Roinn Forbartha, Tuaithe agus Pobail agus Gaeltachta.
- An Roinn Leanaí, Míchumais agus Comhionannais.
- Coistí Cúraim Leanaí na gcontaetha ábhartha
- Údarás na Gaeltachta
- An Pobal Gaeltachta i dTuaisceart Éireann
- An pobal i gcoitinne
Moltar Plean Straitéiseach comhaontaithe a aontú leis na Ranna Stáit chun na hionaid luathbhlianta agus aois scoile atá faoi scáth CNNG a fhorbairt agus a uasdátú chun cinntiú go mbeidh ár gcuid ionaid ar ardchaighdeán.
- Dréacht-straitéis a ullmhú
Le linn na céime seo beidh gá an t-eolas ar fad atá bailithe a tharraingt le chéile agus dréacht-straitéis a ullmhú don eagraíocht. Beidh plé leanúnach leis an mbord, an bhainistíocht agus an fhoireann le linn na céime seo. Is faoin mBord a bheidh sé an leagan críochnúil den straitéis a fhaomhadh.
Cuid 3 – Critéir Incháilithe agus Dámhachtana
- Taithí roimhe seo
Ní mór go léireodh forthairgeoirí an taithí atá acu roimhe seo ar thrí chonradh a sheachadadh de chineál agus scála inchomparáide leis na riachtanais atá leagtha amach faoin gcomórtas seo. Moltar do Fhorthairgeoirí nach mór go léireodh na conarthaí tagartha a liostaítear an cumas atá ann na gnéithe éagsúla seirbhíse a sheachadadh a theastaíonn chun riachtanais an Údaráis Chonarthaigh a chomhlíonadh. Iarrtar ort an fhaisnéis seo a leanas a sholáthar i gcás gach conartha dá ndéantar tagairt:
- Ainm an Chliaint
- Tréimhse/dátaí seachadta seirbhíse
- Réimse na seirbhísí a sholáthraítear
- Teanga sheachadadh na seirbhíse
Riail: Ní mór d’Fhorthairgeoirí 3 chonradh inchomparáide roimhe seo a léiriú.
- Cumas Gaeilge
Le do thoil, tabhair cuntas ar do chumas an tseirbhís a chur ar fáil d’eagraíocht a fheidhmíonn trí mheán na Gaeilge agus na céimeanna praiticiúla a ghlacfar chun an riachtanas seo a chomhlíonadh.
- Critéir Dhámhachtana
Ní bheidh gealltanas de chineál ar bith, conarthach ná eile, i bhfeidhm ach amháin má fheidhmíonn agus nuair a fheidhmíonn an tÚdarás Conarthach conradh foirmiúil i scríbhinn nó thar a cheann. Ní eascróidh aon chearta in-fheidhmithe ag an bhForthairgeoir as fógra dámhachtana a bheith tugtha ag an Údarás Conarthach maidir le stádas forthairgeora roghnaithe. Féadann an tÚdarás Conarthach an comórtas soláthair phoiblí seo a chealú ag tráth ar bith roimh chonradh foirmiúil i scríbhinn a bheith feidhmithe ag an Údarás Conarthach nó thar a cheann. Ní cheanglaíonn an tÚdarás Conarthach air féin glacadh leis an Tairiscint ar an bpraghas is ísle, ná le haon Tairiscint.
Bronnfar an conradh ar bhonn na tairisceana is mó buntáiste eacnamaíoch.
Cuirfidh an tÚdarás Conarthach na critéir dhámhachtana seo a leanas i bhfeidhm: an tairiscint chomhlíontach is mó buntáiste eacnamaíoch, ag cur na gcritéar agus na n-ualaí dámhachtana seo a leanas san áireamh:
| Critéir | Ualaí | Uasmhéid
Marcanna |
Scór Íosta atá ag teastáil | |
| (A) | Costas Foriomlán Deiridh | 25% | 2,500 | ní bhaineann |
| Ba chóir d’Fhorthairgeoirí táille sheasta a mholadh d’fhonn seirbhísí iarrtha a sholáthar ag cur na dtascanna uile a bhfuil achoimre orthu i scóip na riachtanas/sa tsonraíocht san áireamh.
Tabhair do d’aire gur chun cuspóirí meastóireachta amháin atá na figiúirí seo, féadfaidh sé go mbeidh difríochtaí sna méideanna deiridh a íocfar. |
||||
| (B) | Modheolaíocht i ndáil le soláthar na seirbhíse | 35% | 3,500 | 1,500 |
| Ní mór d’fhorthairgeoirí ráiteas cuimsitheach a thabhairt ina sonraítear an cur chuige atá acu i dtaca le hidirchaidreamh leis an údarás conarthach agus clár oibre á dhearadh agus soláthar á dhéanamh ar na seirbhísí iarrtha thar thréimhse an chonartha. | ||||
| (C) | Cáilíochtaí agus Saineolas na Foirne Beartaithe | 20% | 2,000 | 1,200 |
| Braithfidh rath na seirbhíse ar cháilíocht an phearsanra a bhfuil freagracht na seirbhíse orthu. Ba chóir d’Fhorthairgeoirí léiriú a dhéanamh ar cháilíocht, saineolas agus an oiriúnacht don fheidhm a bhaineann leis na hacmhainní daonna uile a thairgtear trí churaclam vitae cuimsitheach gach ball foirne a mholtar a sholáthar in éineacht le róil agus freagrachtaí a shainmhínítear go soiléir a bhaineann le gach ball foirne a mholtar chomh maith le nod maidir le tiomantas ama gach duine. | ||||
| (D) | Cumas Gaeilge | 20% | 2,000 | 1,200 |
| Is cóir cuntas a thabhairt ar an tslí gur féidir leis an bhforthairgeoir an tseirbhís lorgtha a chur ar fáil trí Ghaeilge. | ||||
NÓTA 1: Ba chóir d’Fhorthairgeoirí a thabhairt dá n-aire nach mór dóibh rátáil íosta 60% a bhaint amach i leith gach ceann de na critéir aonair cháilíochtúla d’fhonn díothú ón gcomórtas a sheachaint.
Déanfar na critéir cháilíochtúla a scóráil de réir an chórais scórála bonnlíne seo a leanas:
0% = gan freagra;
20% = go holc;
40% = measartha;
60% = inghlactha (agus sna critéir chuí, an scóráil íosta iarrtha);
70% = go maith
80% = fíormhaith;
90% = thar barr;
100% = thar barr amach agus amach
Is féidir marcanna idir na bonnlínte a bhfuil achoimre orthu thuas a dhámhadh nuair a thuilleann freagraí marcanna breise.
Tabhair do d’aire a mhéid a bhaineann leis an gCritéar maidir le Costas, go ndéanfar Forthairgeoirí a scóráil i gcomhréir inbhéartach leis an scór uasta a thabharfar don tairiscint bhailí is ísle costas nach mbeidh eisiata cheana féin ar fhorais cháilíochtúla.
Déanfar an critéar Costais a scóráil tríd an bhfoirmle seo a leanas a úsáid:
| A | Costas is Ísle ó Thairiscint Bona Fide |
|
| B | Costas don tairiscint a bhfuil meastóireacht á déanamh uirthi |
|
| C | Uasphointí ar fáil le haghaidh Costas |
2,500 |
| Foirmle a úsáideadh: | 2,500 * A B |
|
NÓTA: Is ceart d’fhothairgeoirí a chinntiú go soláthraíonn siad faisnéis mhionsonraithe ina gcuid tairiscintí faoi gach gné de na critéir maidir le dámhadh an chonartha de réir mar atá luaite thuas. Cuirfidh sé seo ar chumas an údaráis dámhachtana meastóireacht iomlán a dhéanamh ar fhairsinge a dtairiscintí.